Rétt í þessu komst ég að því að ég á sex sinnum meiri pening en ég hélt, sem þýðir að ég mun geta bætt líf mitt talsvert á næstu dögum.
Rétt í þessu var ég í aukatíma í stærðfræði, ég fylltist von og fékk jákvæðari sýn á eina hlutinn sem hefur hrammatök á því að gera líf mitt slæmt.
Rétt í þessu festum við faðir minn okkur tvo miða á tónleika með Sigur Rós.
Á Sigur Rós, bestu hljómsveit í heimi. Þú hefur ekki upplifað tónlistina fyrr en þú kemst í návígi við hana á tónleikum. Tónlistin á geisladiskunum er ótrúleg, en tónlistinni sem lifnar við á tónleikum er ekki hægt að lýsa með öðru en tárum.
Í augnablikinu er lífið töfrandi.
Núna ætla ég að fara inn í herbergi og slökkva ljósin, leggjast upp í rúm og láta töfrana leika um blóð mitt og eyru. Ég er hamingjusöm.
Og hamingjusöm.
Engin ummæli:
Skrifa ummæli